
Kryetari i Nismës Socialdemokrate, Fatmir Limaj e ka cilësuar ndërtimin e Aeroportit të Prishtinës si sukses gjatë kohës sa ka qenë pjesë e qeverisjes, teksa ka thënë se veprat e asaj kohe sot po i gëzojnë të gjithë qytetarët e Kosovës.
Me ironi, Limaj ka thënë se aeroporti i mëherëshëm i Prishtinës ka qenë si një “koçak”, ndërsa ka theksuar se tashmë është ndërtuar një aeroport modern.
“Ai aeroport ka qenë koçak, sot qytetarët e gëzojnë aeroportin modern”, ka thënë ai.
Por, Limaj ka thënë se Aeroporti i Prishtinës sot po përdoret nga ata që dikur e kanë fyer dhe sharë.
“Me shku në Aeroport të Prishtinës që dikur kanë thanë që është shitur, sot shkojnë këta edhe i marrin çantat e veta edhe shkojnë në diasporë e helmojnë e shpifin atje për Kosovën e shkatërruar”, ka thënë ai në “Politiko” me Kushtrim Sadikun. /Gazeta10/