Një konflikt mes dy personave në fshatin Llapushnik të Drenasit ka ndodhur si pasojë e bagëtive ku më pas u desh të nderhyjë edhe policia.

Rasti ka ndodhur të hënën, në orët e mbrëmjes dhe në rrahje janë përfshirë dy të rinj nga familja Thaqi.

Sipas informacioneve të para, i dyshuari 19-vjeçar është kapur me të miturin, pas një mosmarrëveshje për kullotjen e lopëve në arën e të dyshuarit, debati mes tyre ka kaluar në kërcënime, që sipas viktimës, i dyshuari i ka thënë se “Lopës edhe ty ua jepi plumbin n’ballë”, me ç’rast i ka shkaktuar frikë dhe shqetësim, raporton Sinjali, përcjell Gazeta10.

I dyshuari është shoqëruar në stacion policor për intervistim, pas përfundimit të procedurave, ndaj tij, me urdhër të Prokurorit të Shtetit është iniciuar rast për veprën penale “Kanosje”.