Aktori i njohur i filmit “Home Alone”, Macaulay Culkin, ka festuar një moment të veçantë në jetën e tij personale, duke shënuar 9 vite dashurie me partneren e tij, aktoren Brenda Song.

Më 17 qershor, 45-vjeçari ndau në Instagram një mesazh prekës kushtuar Brendës, ku shkroi:

“Sot është një ditë shumë e veçantë për mua. Kanë kaluar 9 vite që kur jeta ime ndryshoi përgjithmonë. Është e pabesueshme të mendosh se në një nga çdo pesë ditë të jetës sime kam pasur privilegjin të zgjohem pranë dashurisë së jetës sime. I vetmi pendim që kam është se nuk kemi pasur më shumë kohë së bashku. Faleminderit që je gjithçka për mua.”

Krahas mesazhit, ai publikoi edhe një foto ku të dy shfaqen të veshur me veshje rozë të kombinuara.

Historia e dashurisë së çiftit nisi disa vite më parë gjatë xhirimeve të filmit Changeland në Tajlandë. Ata u lidhën romantikisht në vitin 2017, ndërsa fejesa e tyre u konfirmua në janar të vitit 2022.

Çifti janë prindër të dy djemve: Dakota Culkin, i lindur në prill 2021, dhe Carson Culkin, i lindur në fund të vitit 2022.

Edhe Brenda nuk e la pa shënuar këtë përvjetor. Ajo publikoi një foto Polaroid ku çifti shihet duke u puthur dhe shkroi:

“Gëzuar 9-vjetorin. Teksa jam në aeroport, pasi sapo kam përfunduar xhirimet dhe po kthehem në shtëpi për të parë ty dhe fëmijët tanë, nuk mund të mos bëhem pak sentimentale dhe të mendoj se sa shpejt kalojnë 9 vite kur e ndan jetën me personin që do. Jeta ime mori ngjyra kur ti hyre në të. Nuk do ta di kurrë çfarë bëra që të meritoja ty dhe jetën që kemi ndërtuar së bashku, por jam pafundësisht mirënjohëse. Nuk mund ta imagjinoj jetën pa ty. Nuk është gjithmonë e lehtë, por gjithmonë ia vlen. Të dua gjithnjë e më shumë çdo ditë. Tani je i imi përgjithmonë.”

Një histori dashurie që vazhdon të frymëzojë fansat e çiftit, ndërsa ata shijojnë jetën familjare së bashku me dy fëmijët e tyre.