Britania dhe populli i saj do të jenë gjithmonë aleatë të Francës, tha presidenti Emmanuel Macron të premten, pasi kandidatja kryesore për të qenë kryeministrja e ardhshme e Britanisë tha se ajo ende nuk ka vendosur nëse Franca është shtet mik apo armik, shkruan Reuters, transmeton Gazeta10.

Duke folur gjatë një vizite në Algjeri, Macron tha se Britania është një komb miqësor, pavarësisht se kush është udhëheqës i saj.

Ministrja e Jashtme britanike Liz Truss, e preferuara për të zëvendësuar Boris Johnson, tha të enjten se mendja e saj nuk ishte e vendosur për këtë çështje.

Macron tha se ai nuk dyshoi për vendin e Britanisë si aleat i Francës “për asnjë sekondë”, duke shtuar: “Nëse Franca dhe Britania nuk mund të thonë nëse janë miq apo armiq… atëherë ne po shkojmë drejt problemeve serioze”.  / Gazeta10