Ministria e Punëve të Jashtme e Malit të Zi, e ka shpallur non grata një diplomat të Federatës Ruse në Mal të Zi. 

Sipas njoftimit në portalin e Qeverisë, thuhet se ky vendim është marrë për shkak të veprimtarive që bien ndesh me nenin 9 të Konventës së Vjenës për Marrëdhëniet Diplomatike, transmeton Gazeta10. 

“Vendimi që përcakton një afat prej shtatë ditësh për largimin nga territori i Malit të Zi, i është dorëzuar personalisht Ambasadorit të Federatës Ruse, Vladislav Maslenikov”, thuhet më tej në njoftim.

Megjithatë në mediat vendase thuhet se bëhet fjalë për ambasadorin rus në këtë shtet të vogël bregdetar, Vladislav Maslenikov. /Gazeta10