Gazetari dhe publicisti, Halil Matoshi në debatin e Politiko, ka deklaruar se Kosovës do t’i bie presioni nga vendet e tjera atëherë kur Presidenti i Serbisë, Aleksandar Vuçiç, i ndryshon kahje sistemi politik duke krijuar një qeveri demokratike.

“Bindja ime e thellë është që presioni ndërkombëtar, që kur e themi këtë popullit të Kosovës i shkon mendja dhe syri te SHBA-të. Presioni i tyre do të bie mbi Qeverinë e Kosovës, përkatësisht mbi z. Kurti vetëm se nëse z. Vuçiç në Beograd e ndërton një qeveri me demokratë ose me forca më të moderuara e jo me përkrahësit e Sheshelit dhe socialistat e Milloshevicit, dhe nëse dakordohen që të vendos sanksione ndaj Rusisë për shkak të agresionit në Ukrainë atëherë presionin zhvendoset menjëherë te pala kosovare. Dhe më nuk do të ketë presion për Kodin Civil ose për Ligjin e Pagave, por do të ketë presion pikërisht për pronat e Manastirit të Deçanit që është vendim i Gjykatës Kushtetuese të Kosovës, sepse kjo e dëshmon sy bote sa jemi ne si shtet serioz, sa jemi më të përgjegjshëm si shoqëri, sa i respektojmë ne institucionet tona demokratike, Gjykatën Kushtetuese që vendimet e saj janë të pa-interpretueshme dhe Bashkësia e Komunave me Shumicë Serbe që tash po quhet asociacion, e një kohë të gjatë populli i Kosovës është bind që është Zajednica…”, tha ndër të tjera Matoshi/Gazeta 10