Krerët e institucioneve të Kosovës janë mbledhur në një takim në kuadër të zhvillimeve të fundit në vend, raporton Gazeta10.

Në njoftimin e tyre thuhet se në këtë takim ishin të ftuar edhe liderët e opozitës të cilët nuk po marrin pjesë.

Tutje, thuhet se institucionet e vendit do ta vazhdojnë komunikimin me opozitën për temat e interesit nacional.

Po ashtu, është thënë se komunikimi e konsultimi do të vazhdojë edhe me partnerët strategjik të Kosovës.

Këtu keni njoftimin e plotë:

“Institucionet e Republikës së Kosovës vazhdojnë koordinimin në lidhje me zhvillimet e fundit në vend

Sot, Presidentja e Republikës së Kosovës, Vjosa Osmani, Kryetari i Kuvendit të Republikës së Kosovës, Glauk Konjufca, Kryeministri i Republikës së Kosovës, Albin Kurti, Zëvendës Kryeministrja dhe Ministrja e Punëve të Jashtme dhe Diasporës, Donika Gërvalla Shëarz, si dhe Ministri i i Punëve të Brendshme, Xhelal Sveçla kanë realizuar takim më qëllim të vazhdimit të koordinimit ndërinstitucional në lidhje me zhvillimet e fundit në vend. Në takim ishin të ftuar edhe liderët e opozitës të cilët nuk kanë marrë pjesë.

Megjithatë, institucionet e vendit do të vazhdojnë kontaktet e rregullta dhe konsultimet me opozitën, me qëllim të koordinimit mbi çështje të interesit nacional.

Po ashtu, do të vazhdohet koordinimi i plotë dhe komunikimi i rregullt me aleatët strategjik”, thuhet në njoftimin e tyrë në Facebook. /Gazeta10