Ministri i Mbrojtjes në Qeverinë e Kosovës, Armend Mehaj, ka thënë se festa e 28 nëntorit është dhe do të mbetet festa më e madhe kombëtare, raporton Gazeta10.

Ai ka njoftuar se për nder të 110 vjetorit të shpalljes së pavarësisë së Shqipërisë kanë festuar me Trupat e Forcave të Armatosura të Shqipërisë.

Më tej, ai ka thënë se bashkëpunimi dhe koordinimi i Kosovës me Shqipërinë është i natyrshëm.

“Rroftë përjetësisht kombi ynë”, ka shkruar Mehaj ndër të tjera.

Këtu keni postimin e plotë:

“Festa e 28 nëntorit është dhe do të mbetet gjthmonë festa më e madhe kombëtare e gjithë shqiptarëve.

Për nder të 110 vjetorit të shpalljes së pavarësisë së Republikës së Shqipërisë, fillimisht me Trupat e Forcave të Armatosura të Republikës së Shqiperisë që janë duke shërbyer në kuadër të KFOR-it, pastaj në organizimin nga ambasada e Shqipërisë në Kosovë, festuam dhe uruam 110 vjetorin e pavarësisë.

Bashkëpunimi dhe koordinimi ynë me Shqipërinë është i natyrshëm, nënkuptueshëm dhe i pashkëputshëm, jemi të pandarë sepse jemi një, jemi një sepse jemi të pandarë.

Rroftë përjetësishtë kombi ynë!”, ka shkruar Mehaj në llogarinë e tij në Facebook. / Gazeta10