Burra të armatosur kanë vrarë një mësuese dhe kanë rrëmbyer të paktën 25 nxënëse në një sulm ndaj një shkolle të mesme për vajza në veriperëndim të Nigerisë, thotë policia, ka raportuar BBC.

Banda pushtoi Shkollën e Mesme Qeveritare për Vajza në Maga, shteti Kebbi, rreth orës 04:00 sipas orës lokale (03:00 GMT) të hënën, thanë ata.

Sulmuesit “u përballën me personelin policor në detyrë në një duel me armë” përpara se të ngjiteshin në gardhin perimetral dhe të rrëmbenin nxënëset nga konvikti i tyre, thuhet në një deklaratë.

Një anëtar i stafit u vra ndërsa përpiqej të mbronte nxënëset. Një i dytë mori plagë nga të shtënat me armë zjarri dhe tani po merr trajtim./GE