Në emisionin “Mëngjesi me Arben Ahmetin”, kryetari i Suharekës, Bali Muharremaj, ka thënë se greva në Suharekë vazhdon, raporton Gazeta10,

Muharremaj e ka konfirmuar vazhdimin e grevës në komunën e tij teksa ka thënë se s’mund t’i bëhet presion grevsitëve.

“Po është e vërtetë, tash shikoni ne kryetarët e komunave nuk mund të bëjmë presion”, ka thënë i pari i Suharekës.

Tutje, ai ka thënë se ai si kryetar po vazhdon t’i kryejë punët e tij.

“Ne vazhdojmë t’i kryejmë punët tona në terren si kryetar i komunës së bashku me drejtorët ata vazhdojnë grevën.  Kështu që po presim”, ka thënë ai.

Muharremaj ka thënë se është gëzuar që ka fituar Ballkani ndaj Prishtinës teksa komunën e tij e ka vlerësuar si kampione.

“Po normal që u gëzuam pasi që vërtetë një qytet i vogël, një qytet kampion, e mposhti edhe Prishtinën”, ka shtuar më tej Muharremaj. / Gazeta10