Një ngjarje tragjike ka ndodhur dje në Pejë ku dy persona kanë vdekur në Ozdrim të Pejës, pasi janë goditur nga një veturë.

Ndërsa në këtë aksident, një person ka mbetur i lënduar, sipas zëdhënësit të policisë për rajonin e Pejës, Driton Rugova.

“Në këtë aksident ka qenë e involvuar një veturë dhe tre këmbësorë, ku si pasojë e këtij aksidenti dy nga këmbësorët kanë vdekur, vdekjen e së cilëve e ka konstatuar ekipi mjekësor dhe këmbësori i tretë është dërguar në spitalin e Pejës”, tha ai.

Për këtë ngjarje të rëndë në rrjetin social Facebook ka shkruar edhe i afërmi i viktimave, gazetari Florent Zeqaj ku ka treguar disa detaje, ku ka thënë se i lënduari po luftën me jetë.

Ai ndihet i pikëlluar për ngjarjen e cila ka ndodhur dje në Pejë dhe se thot se askush nuk dëshiron të provohet me tragjedi të tilla.

“Në fshatin tim të lindjes, mbrëmë ndodhi një tragjedi nga e cila i humbëm dy burra, familjarë të mirë, ndërsa i treti po lufton për jetën në spitalin e Prishtinës. Ky është lajm i rëndë e dhimbje e madhe. Viktimat dhe i lënduari janë goditur nga një makinë po nga i njëjti fshat, kjo e bënë dhimbjen edhe më të madhe sepse askush nuk dëshiron të provohet me tragjedi të tilla.’ Zot mos na provo thot Populli’.Ngushëllime familjes Shala”, ka shkruar ai.