Sot gjatë ditës qyteti i Gramshit në Shqipëri u trondit nga një ngjarje e rëndë e regjistruar në orët e mesditës, ku humbi jetën një 15-vjeçar pas një përleshje me armë të ftohta.

Ngjarja ndodhi pranë shkollës 9-vjeçare “Asllan Shahini”, ku 5 adoleshentë u përfshinë në këtë sherr që përfundoi në përdorimin e thikës.

15-vjeçari i cili nuk mundi t’i mbijetonte plagëve të marra ndërroi jetë në spital. Sipas raportimeve ai është Fatjon Bici.

Ndërsa, pak më parë mediat në Shqipëri kanë publikuar pamjet e dhimbshme ku shihen familjarët e tij në një gjendje tejet të rëndë emocionale, pranë Emergjencës.