Presidentja Vjosa Osmani, e ka falënderuar kryetaren e Dhomës së Përfaqësuesve në Shtetet e Bashkuara të Amerikës, Nancy Pelosin, për angazhimin e saj dhe lidhjen e saj me Kosovën, raporton Gazeta10.

”Nancy Pelosi, është një kampione e fortë e demokracisë dhe ka bërë histori me profesionalizmin, përkushtimin dhe shërbimin e saj të pashoq. Ajo është gjithashtu një kampione e vërtetë e lidhjes së veçantë mes dy kombeve tona. Në emër të popullit të Kosovës, ju falënderoj, zonja Kryetare”, shprehet presidentja Osmani në dedikimin e saj përmes twitter.

Kryetarja e Dhomës së Përfaqësuesve të SHBA, Nancy Pelosi, gruaja e parë që mban këtë post me ndikim, tha të enjten se do të tërhiqet si udhëheqëse demokrate./Gazeta10.