Presidentja Vjosa Osmani ka thënë se vendimi i Gjykatës Ndërkombëtare të Drejtësisë para 14-vjetëve e konfirmoi se shpallja e pavarësisë së Kosovës nuk ka shkelur të drejtën ndërkombëtare.

Sipas saj, ky vendim historik betonoi faktin se pavarësia e Kosovës është e pakthyeshme.

“Mbetet një thirrje për veprim për vendet në mbarë botën që ende nuk e kanë njohur Republikën tonë sovrane ta bëjnë këtë”.

“Duke u mbështetur nga ky moment historik, ne do të vazhdojmë të punojmë pa u lodhur për të forcuar pozitën tonë globale, duke u siguruar që Kosova të jetë një anëtare aktive dhe e përkushtuar e bashkësisë ndërkombëtare. Të jesh anëtar i ekipit ligjor që përfaqësoi Kosovën para GJND-së në këtë rast historik do të mbetet një nder i jetës”, ka thënë Osmani.