Në emisionin “Politiko”, me gazetarin Kushtrim Sadiku, duke debatuar mbi konfliktin mes palestinezëve dhe izraelitëve, gazetari i njohur Asllan Bajrami ka shpalosur rezultatet e një reportazhi që ishte realizuar kohë me parë me qytetarë dhe udhëheqës palestinez, ku sipas tij secili i intervistuar ishte deklaruar kundër shtetit të Kosovës.

Sipas tij ata madje ishin të gatshëm që të luftojnë si mercenarë kundër Kosovës nëse do të kishin një ftesë nga Beogradi për ta rikthyer Kosovën.

Bajrami deklaroi po ashtu se dyshon që ata janë të indoktrinuar nga udhëheqësit dhe mediat palestineze.

“Kosova ka një interesim të madh që të këtë marrëdhënie të mira me Izraelin sepse është garancë për ekzistimin e shtetit të Kosovës”, tha Bajrami”. /Gazeta10/