Grupi rus Wagner, i cili po udhëheq sulmin në qytetin lindor të Bakhmut, së shpejti mund të pushojë së ekzistuari, ka paralajmëruar themeluesi i tij Yevgeny Prigozhin.

Në komentet në video për blogerin rus të luftës Semyon Pegov, z. Prigozhin tha: “Tani, në lidhje me nevojën në përgjithësi për predha në front, çfarë duam, raporton TCH.

“Sot po arrijmë në pikën ku Wagner po përfundon. Wagner, në një periudhë të shkurtër kohe, do të pushojë së ekzistuari. Ne do të bëhemi histori, asgjë për t’u shqetësuar, gjëra të tilla ndodhin.”

Nuk është e qartë se kur foli zoti Prigozhin dhe sa serioz ishte ai. 

Shefi i Wagner është ankuar vazhdimisht për mënyrën se si Rusia po e zhvillon luftën në Ukrainë dhe më parë ka thënë se njerëzve të tij nuk po u jepen municionet që u nevojiten nga Kremlini

Ai njihet për stilin e tij luftarak dhe sensin ironik të humorit dhe në fillim të kësaj jave bëri shaka se forcat e tij do të ndalonin granatimet e Bakhmutit për të lejuar forcat ukrainase t’ua tregonin qytetin gazetarëve amerikanë.

Javën e kaluar ai shprehu gjithashtu shqetësim për një kundërsulm nga trupat ukrainase të pajisura mirë në Bakhmut.