Menjëherë pas nisjes së numërimit të votave të zgjedhjeve të 7 qershorit, një numër qytetarësh kanë dalë në sheshet e Prishtinës për të festuar.

Gazetarja e Kanal 10, Sara Shehu, e cila po raporton nga terreni në sheshin Sheshi Zahir Pajaziti, bëri të ditur se aty kanë nisur të mblidhen simpatizantë të  Vetëvendosjes.

Sipas raportimit nga vendi i ngjarjes, mbështetësit e Vetëvendosjes kanë filluar festën me valle, muzikë dhe tupana, ndërsa atmosfera po bëhet gjithnjë e më festive me kalimin e minutave.

“Në sheshin Zahir Pajaziti kanë nisur të mblidhen simpatizantët e Vetëvendosjes, të cilët po festojnë me valle dhe tupana, teksa po presin rezultatet e mëtejme nga numërimi i votave”, raportoi gazetarja Shehu.