Sot janë zhvilluar tri ndeshje të xhiros së parë të këtij edicioni në Superligën e Kosovës, raporton Gazeta10.

Gjilani ka mposhtur Ferizajin me rezultat 3-2, Prishtina ka mposhtur si mysafir Dukagjini me shifrat 1-2, ndërsa ndeshja e zhvilluar në Mitrovicë ndërmjet Trepçës ’89 dhe Dritës ka përfunduar baras 2-2.

Gjilani ka shënuar fitoren e parë këtë edicion kundër Ferizajit me rezultat 3-2.

Për Gjilanin golat i shënuan Mevlan Zeka dhe Solon i cili realizoi dy herë, ndërsa për skuadrën mysafire realizuan Haxhimusa dhe Ramadani.

Në anën tjetër edhe Prishtina ka triumfuar kundër Dukagjinit me rezultat të ngushtë 1-2.

Golat për skuadrën nga kryeqyteti i shënuan Endrit Krasniqi dhe Useini, kurse për klinasit realizoi Ahmed Januzi.

Ndeshje e fundit për ditën e sotme ndërmjet Trepçës ’89 dhe Dritës ka përfunduar me rezultat të barabartë 2-2.

Dy golat për Trepën i shënoi sulmuesi afrikan Mba, ndërsa për Dritën shënuan Ardit Tahiri dhe Islami.

Nesër në kuadër të Superligës së Kosovës do të zhvillohet ndeshja mes Drenicës dhe Llapit. /Gazeta10/