Ballkani sonte në Shkup do ta ketë ndeshjen më të rëndësishme në histori të klubit, pasi që është vetëm dy ndeshje larg për të prekur ëndrrën e madhe evropiane për të gjitha skuadrat kosovare, të kualifikohet në fazën e grupeve të ndonjë kompeticioni evropian.

Pavarësisht rezultatit në Play Offs, Ballkani ka shkruar historinë deri më tani, duke u bërë skuadra e vetme e cila ka arritur deri në këtë fazë.

Duke parë rëndësinë e madhe që ka kjo ndeshje, Komuna e Suharekës ka vendosur që stafi të jetë sot të gjithë të veshur me fanellat e klubit të Suharekës, FC Ballkanit.

“Për FC Ballkani sonte kemi emocione të gjithë, në Kosovë dhe Suharekë”, ka shkruar kryetari i Komunës së Suharekës, Bali Muharremaj.