Futbollisti i njohur botëror Pique, ka nisur një lidhje të re me një studente 23-vjeçare që punon në kompaninë e tij, shkruan DailyMail, transmeton Gazeta10.

Gerard Pique thuhet se po takohet fshehurazi me një studente 23-vjeçare që studion marrëdhënie me publikun, dy muaj pasi u zbulua ndarja e tij me këngëtaren Shakira.

Në qershor u njoftua se artistja kolumbiane, 45 vjeçe, dhe futbollisti i Barcelonës, 35 vjeç, ishin ndarë pas 11 vitesh dhe këtë e njoftuan përmes një deklarate publike, shkruan DailyMail.

Por Gerard me sa duket tashmë është larguar nga partnerja i tij afatgjatë pasi tabloidi britanik The Sun raporton se ai ka krijuar një romancë të re me Clara Chia Marti, të cilën ai thuhet se e ka takuar ndërsa ajo ishte duke punuar në kompaninë e tij të prodhimit “Kosmos”.

Ndërsa ndarja e tij nga Shakira u zbulua vetëm në qershor, tabloidi britanik raporton se Gerard dhe Clara e cila është 12 vjet më e re, janë takuar me njëri-tjetrin ‘për muaj të tërë’, sipas një burimi.

“Ata kanë heshtur për marrëdhënien e tyre, por të gjithë ata rreth tyre e dinë se çfarë po ndodh”.

Burimi shtoi: “Njerëzit i kanë ndihmuar ata ta mbajnë në heshtje romancën dhe kanë fshirë llogaritë e rrjeteve sociale të Claras në mënyrë që njerëzit të mos mund të gjejnë fotografitë e saj”.

Rikujtojmë se Shakira dhe Pique u shfaqën si çift publikisht në vitin 2011./Gazeta10/