Policia e Kosovës ka konfirmuar se disa persona kanë marrë plagë nga arma e zjarrit, por edhe nga fragmente qelqi, në gjuajtjet me armë që ndodhën të premten në mbrëmje në lokalin “Bon Vivant” në rrugën “Rexhep Luci” në Prishtinë.

Të lënduarit janë dërguar për trajtim mjekësor, ndërsa sipas njoftimit, Policia po vijon punën për veprime të tjera operativo-hetimore.

“Aktualisht së paku dy të dyshuar janë identifikuar si të implikuar në rast, përderisa po punohet edhe për identifikimin e të dyshuarve të tjerë të mundshëm”, thuhet në njoftim.