Policia suedeze tha të mërkurën se nuk kishte prova për “motive ideologjike” pas sulmit masiv në një qendër edukimi të të rriturve të martën.

Policia e këtij vendi paralajmëroi për keqinformimin e përhapur në mediat sociale në lidhje me sulmin më vdekjeprurës me armë në vendin nordik, raporton Reuters.

Të paktën 11 njerëz vdiqën dhe shumë të tjerë u plagosën në të shtënat në shkollën Risbergska në Orebro, një qytet me mbi 100 mijë banorë, ku një numër i madh i policisë vazhdoi të rrethonte qendrën dhe disa shkolla të vendosura në kompleksin e kampusit të saj.