Policia e Kosovës ka njoftuar për një rast të vrasjes në tentativë në Prishtinë, raporton Gazeta10.

Viktima mashkull ka njoftuar se është shtënë me armë zjarri në drejtim të tij.

I dyshuari për sulm është larguar në drejtim të panjohur me veturë pasi paraprakisht ka gjuajtur në drejtim të viktimës.

Viktima nuk ka pësuar lëndime.

I dyshuari gjendet në arrati teksa është bastisur shtëpia e tij ku nuk është gjetur ndonjë gjë e dyshimtë.

Këtu keni komunikatën e plotë:

“Vrasje e rëndë në tentativë&Armëmbajtje pa leje

Rr.Hasan Prishtina, Obiliq, 15.08.2022-15:58.

Viktima mashkull kosovar ka raportuar se është shtënë me armë zjarri në drejtim të tij nga i dyshuari mashkull kosovar i cili nga vendi i ngjarjes është larguar me veturë në drejtim të panjohur. Në vendin e ngjarjes janë gjetur dhe konfiskuar gjashtë (6) gëzhoja. Viktima nuk ka pësuar lëndime. Me urdhër të gjyqtarit është kontrolluar shtëpia e të dyshuarit por nuk është gjetur asgjë e dyshimtë. I dyshuari gjendet në arrati, rasti është duke u hetuar”, thuhet në komunikatën e Policisë së Kosovës. / Gazeta10