Gazeta10

Publikohet orari i garave dhe çmimi i biletave për Lojërat Olimpike Paris 2024

Komiteti Olimpik Ndërkombëtar ka publikuar orarin e garave si dhe çmimin e biletave për Lojërat Olimpike Paris 2024.

LO Paris 2024 do të mbahet prej 26 korrik deri më 11 gusht të vitit 2024 në kryeqytetin e Francës.

Për shkak të orarit të ngjeshur garat në disa sporte do të nisin më 24 korrik, kurse medaljet e para do të ndahen më 27 korrik, kur do të zhvillohen sportet si: xhudo, çiklizmi, skerma, zhytja, ragbi, shigjetaria, noti dhe skejtboarding.  Ceremonia hapëse do të zhvillohet në mbrëmjen e 26 korrikut.

Në total do të jenë 329 gara, të cilat zhvillohen brenda 19 ditëve. Finalet e notit dhe atletikës, do të zhvillohen në mbrëmje.

Sporti ynë më i suksesshëm, xhudo, që ka edhe tri kampione olimpike, do t’i zhvillojë garat prej 27 korrikut deri më 3 gusht 2024. Edhe në dy Lojërat e fundit Olimpike, ku është përfaqësuar Kosova, xhudo ka qenë një nga sportet e para që ka nisur garat. Dallimi me Rio 2016 dhe Tokio 2020, është se luftërat për medalje do të zhvillohen prej orës 16-19:00 me kohën tonë lokale. Orari i garave.

Biletat dalin në shitje prej dhjetorit 2022

IOC ka publikuar edhe detaje për biletat, të cilat do të dalin në shitje prej dhjetorit të këtij viti.

Gjithsej 10 milionë bileta do të jenë në shitje për Lojërat Olimpike, kurse 3 milionë për Lojërat Paralimpike.

Çmimi më i lirë i tyre, rreth 1 milion sish, do të jetë 24 euro. Gjysma e biletave do të kushtojnë 50 euro ose më pak, ndërsa të tjerat rreth 100, 200 dhe 300 euro. Për garat e xhudos, një biletë do të kushtojë prej 90 – 330 euro.

Për KOK-un, LO Paris 2024 do të jenë të tretat pas debutimit të artë në Rio 2016 me medaljen e artë të Majlinda Kelmendit, të cilën e pasuan Distria Krasniqi e Nora Gjakova me medaljet e arta të fituara në Tokio 2020.

NË FOKUS

418182730_743633051288017_6642594476175055703_n
E dhimbshme: Kjo është gruaja që vdiq pasi u plagos me armë në Prishtinë, ishte kalimtare rasti
900-0-policia-naten-ne-shkoder-vrasje-972x579-1
E dhimbshme: Ky është i riu që u vra sonte në Prishtinë
Adriana-Matoshi-2-668x375-1
Adriana Matoshi në iftar me ish bashkëshortin dhe të birin
LAJMI-I-FUNDIT
Këta janë dy vëllezërit e dyshuar për vrasjen e rëndë në Prishtinë, ende në arrat
konf
Kështu nisi konflikti mes “Cucit” dhe vëllezërve Berisha që përfundoi me dy viktima në Kolovicë
850x600_ilustrim-shiriti-i-ndalimit-policia-e-kosoves-foto-Ridvan-Slivova-3-780x439-11619711563
Policia jep detaje për vdekjen e Triumf Feratit
vrasje
Dy meshkuj gjenden të pajetë në Prishtinë, policia jep detajet e fundit  
Tri
Personi që u gjet i vdekur në Gurrakoc është vëllai i kryetarit të Istogut