Në kanalin e Youtube-s është publikuar traileri i pjesës së tretë të filmit “365 Days” i titulluar “The Next 365 Days” që e përshkruan dashurinë në mes të Lauras dhe Massimos, raporton Gazeta10.

“Marrëdhënia në mes të Lauras dhe Massimos do të jetë në rrezik ndërsa ata përpiqen t’i kapërcejnë çështjet e besimit, Nacho këmbëngulës bën gjithçka për t’i ndarë”, është një përshkrim i shkurtër i komplotit të vazhdimit të tretë.

Pjesa e dytë e “365 Days: This Day” nisi me dasmën e Laurës dhe Massimos, por shumë shpejt vëmendjen e Laurës e rrëmben ‘kopshtari’ Nacho.

Por siç duket publiku nuk e ka pritur mirë trailerin e pjesës së tretë të filmit “The next 365 Days”.

“Duket se ata kurrë nuk planifikojnë të ndalojnë së bëri këtë”; “Çdo vazhdim e bën këtë film më të mjerueshëm”; “Këta filma janë si një aksident i keq me makinë që thjesht nuk mund të ndalosh së shikuari”; “O Zot, prapë këta të dy” – janë disa nga komentet.

Theksojmë se filmi me Michele Morrone dhe Anna-Maria Sieklucka do të jetë i disponueshëm për t’u parë në Netflix nga 19 gushti 2022./Gazeta10/