“Purple Hearts”, është njëri nga filmat më të shikuar përgjatë kësaj vere në platformën Netflix. 

Në një shkrim të publikuar në “What’s on Netflix”, është bërë e ditur se filmi është shikuar mbi 100 milionë orë, vetëm dy javë pas premierës, transmeton Gazeta10. 

Sipas tyre, arsyet se pse filmi është duke arritur një sukses të tillë, ka të bëjë me aplikacionin TikTok, pasi shumë sekuenca të kësaj romance janë shkëputur e publikuar në të. 

Bazuar në të dhënat e Netflix Top 10, “Purple Hearts”, ka shumë gjasa të renditet njëri ndër filmat më të shikuar në këtë platformë.

Filmi “Purple Hearts”,i zhanrit dramë-romancë paraqet historinë e një ushtari dhe një këngëtareje, të cilët kurorëzohen fillimisht për të përfituar nga sigurimi shëndetësor, e që dashurohen në të vërtetë pas sfidave që i kalojnë së bashku. /Gazeta10