Organizata e Veteranëve të Luftës ka thirrur një protestë gjithëpopullore për të kundërshtuar vendimin në Hagë ndaj ish-katërshes së UÇK-së, e paralajmëruar të mbahet nesër në orën 12:00.

Kryetari i OVL UÇK-së, Hysni Gucati, ka folur rreth kësaj proteste, ku edhe ka ftur qytetarët të marrin pjesë.

Ai po ashtu ka debatuar edhe me një qytetar në sheshin e Prishtinës.

“A bën unë me ta dhënë një propozim?”, iu drejtuar qytetari, Gucatit.

“5 propozime. Shkruaj 5 propozime në letër unë t’i marrë”, ia ktheu Gucati.

“A i keni 20 miliardë buxhet? Çka na vyn 20 miliardë buxhet kur na dënohen këta”, vazhdoi qytetari.

“Qe ku është hajni, qe ku është mashtruesi. Unë s’jam Qeveria”, theksoi kreu i OVL-së, duke iu referuar kryeministrit Albin Kurti.