Kryetari i Rahovecit, Smajl Latifi në  një  lidhje direkte në  emisionin “Mëngjesi me Arben Ahmetin”, ka folur rreth ndërtimit të sheshit në këtë qytet, shkruan Gazeta10.

Latifi ka thënë se komuna ka planifikuar të gjitha mjetet financiar për ndërtimin e sheshit dhe se do ta bëjnë atë në forcat e tyre.

“Janë planifikuar të  gjitha mjetet financiar nga ana e Komunë së Rahovecit për sheshin. Ne e kemi pritur që të kthehet projekti i larguar nga Ministra e Planifikimit, sepse ka qenë  i paraparë  që të financohet nga ministria, por tash në  me forcat tona. Kjo nuk do të  thotë  që  neve na pengon që  ata e rikthejnë  financimin ose janë  bashkë financues me Komunën e Rahovecit, sepse bëhet fjalë për një projekt 4 milionë euro, po shpresojmë që do të ishte barrë më e lehtë në rast se do të ndihmoheshim nga Qeveria.”, ka thënë  ai.

Tutje, kryetari i Rahovecit ka sqaruar se ky projekt kishte qenë  me financim të  Ministrisë  së  Mjedisit, Planifikimit Hapësinor dhe Infrastrukturës, por që  Qeveria Kurti e ka larguar nga financimi.

“Projekti ka qenë  që të jetë  plotësisht në financim të Ministrisë, kemi pasur edhe memorandum mirë kuptimi me ministrinë  e Infrastrukturës, por Qeveria e re e ka larguar nga financimi. Kemi zhvilluar gjitha procedurat, tani jemi në teren dhe po e financojmë  vetë .”, ka thënë  ai./Gazeta10