Fidan Rama – komentator politik sonte në “Politiko me Kushtrim Sadikun”, ka thënë se pas deklarimeve të Kurtit dhe Vuçiq në rrjetet sociale pas takimeve, vendimi për dokumentet nuk do të ndodhë. 

“Koordinimi mes komunikatës dhe Instagramit dëshmon që të njëjtit janë të gatshëm të vazhdojnë të diskutojnë, dhe kjo më bën të vlerësoj që 1 shtatori nuk do të ndodhë, ose do të ketë marrëveshje, ose do të ketë shtyrje deri tek një përafrim i përbashkët që kjo të ecë si duhet”, ka deklaruar Rama. 

Sot në Bruksel janë takuar Kryeministri i Kosovës, Albin Kurti dhe Presidenti i Serbisë, Aleksandar Vuçiq. Pas këtij takimi, për media nuk është deklaruar asnjëri nga liderët. Teksa, konferencë për medie ka dhënë Shefi i Lartë për Politikë të Jashtme të BE-së, Josep Borrell, i cili ka thënë se nuk do të dorëzohen deri të gjendet një zgjidhje./Gazeta10