Gazeta10

Rama: Kurti ka mbështetjen time të plotë për vetëmenaxhimin e komunitetit serb

Kryeministri i Shqipërisë, Edi Rama përmes një shkrimi në Facebook ka njoftuar se çfarë ka biseduarin me kryeministrin e Kosovës, Albin Kurti i cili po qëndron në një vizitë zyrtare në Shqipëri, raporton Gazeta10.

Rama ka bërë të ditur se i ka dhënë mbështetje Kurtit për Marrëveshjen e Ohrit, e në veçanti i ka dhënë mbështetje sa i përket procesit të mëtejmë, ku përfshihet  zbatimi i aneksit lidhur me  vetëmenaxhimin e komunitetit serb dhe funksionimin e Kishës Serbe në Kosovë.

“Me mikun e posaçëm, kryeministrin e Kosovës, Albin Kurti, gjatë drekës së sotme ku diskutuam me detaje për marrëveshjen e Ohrit dhe ecurinë e mëtejshme të procesit të zbatimit të saj. I shpreha Albinit të gjithë simpatinë time për kurajon dhe realizmin me të cilin ka hedhur hapa me rëndësi të madhe drejt normalizimit të marrëdhënieve me Serbinë. E inkurajova kryeministrin në hedhjen e hapave të mëtejshëm, qoftë për garantimin e komunave serbe në kornizën e asociacionit që garanton vetëmenaxhimin e komunitetit serb, qoftë për funksionimin me garancitë e nevojshme të Kishës Serbe në vendet e saj të kultit në Kosovë, duke e siguruar se në këtë proces jo të lehtë ai ka mbështetjen time më të plotë.”, ka shkruar Rama.

Ai ka theksuar se kanë rënë dakord që mbledhja e ardhshme e të dy qeverive të mbahet në qershor.

Më herë Kurti ka zhvilluar takime edhe me presidentin Bajram Begaj dhe me kryetaren e Kuvendit, Lindita Nikollën.

Ndërkohë pritet edhe një takim me kreun e Partisë së Lirisë, Ilir Metën./Gazeta10

NË FOKUS

gruaja
Vrasja e gruas në Pejë nga burri i saj, detajet e fundit nga rasti tragjik
valonn
Ky është i dyshuari për vrasjen e gruas në Ferizaj
vrasja-576x360-1
Vrasja në Pejë, reagojnë nga komuna: Gjyljeta punonte qe 20 vjet si asistente e stomatologut
1-55-600x360-1
Një grua sulmon dhe rrah keq një grua tjetër në Prishtinë, arrestohet brenda pak minutave
akil
“Akil Gjakova është në arrati”, avokatja e gruas së tij jep detaje për divorcin e dhunshëm
850x600_ilustrim-shiriti-i-ndalimit-policia-e-kosoves-foto-Ridvan-Slivova-3-780x439-11619711563
Zbulohet identiteti i gruas që dyshohet se u vra nga bashkëshorti në Ferizaj
IMG_5024
Aksidenti tragjik në Leposaviq, këta janë personat që mbetën të vdekur
436305588_836502955177305_7501723294438286291_n
"Pse ta mori jeten Edi qe aq shume e mbrojte dhe e dashte"-Vrasja e gruas në Pejë, reagon njëri nga familjarët