Zëdhënësi i Qeverisë së Kosovës, Përparim Kryeziu në një përgjigje për Gazetën10, ka thënë se ekzekutivi nuk ka pranuar asnjë ftesë zyrtare për një takim të mundshëm sonte mes kryeministrtit, Albin Kurti dhe emisarit të BE-së, për dialogun Kosovë-Serbi, Miroslav Lajçak.
Kryeziu tha se për takimet Kurti-Lajçak, gjithmonë Qeveria njoftohet paraprakisht, por jo edhe për atë të paralajmëruar që do të mbahet për sonte në Prishtinë.
“Për agjendën e z. Lajcak, ju lutemi që t’i drejtoheni ekipit të tij. Për takimet e Kryeministrit Kurti me z. Lajcak njoftoheni gjithmonë paraprakisht. Ne nuk kemi pranuar ndonjë kërkesë zyrtare nga z. Lajcak për takim me kryeministrin Kurti”, tha Kryeziu në një përgjigje për Gazetën10.