Drejtuesit e Real Madridit thuhet se kanë etiketuar tashmë tre trajnerë si pasues të mundshëm të italiani Carlo Ancelotti, i cili mund të largohet së shpejti nga klubi spanjoll.

Sipas mediumit Fichajes, Real Madridi po shqyrton kandidatët për të zëvendësuar potencialisht Ancelottin si trajner.

Në raport thuhet se presidenti i klubit Florentino Perez është i pakënaqur me paraqitjen e skuadrës në humbjen 5-2 kundër Barcelonës në finalen e Superkupës së Spanjës.

Nëse rezultatet vazhdojnë të bien, Perez mund të kërkojë të bëjë një ndryshim menaxherial në mes të sezonit.

Tre kandidatët kryesorë të përmendur janë trajneri aktual i Bayer Leverkusenit, Xabi Alonso, ish-trajneri i Real Madridit, Zinedine Zidane dhe legjenda e Los Blancos, Raul Gonzalez.

Të tre kanë luajtur më parë për klubin mbretëror, me Raul që aktualisht drejton ekipin e dytë të klubit, Real Madrid Castilla.