Real Madridi është në kërkim të një qendërsulmuesi pas largimit të Karim Benzemas.

Siç raportojnë mediat spanjolle, “Los Blancos” e kanë piketuar sulmuesin anglez, Harry Kane si zëvendësues të Benzemas.

Real Madridi kanë ofruar 80 milionë euro për shërbimet e anglez, teksa mbetet të shihet nëse Tottenhami do ta pranojë këtë ofertë.

29-vjeçari ka kontratë me ekipin londinez deri në vitin 2024 dhe Tottenhami do të dëgjojë ofertat për të në këtë verë, përpara se ta humbasë sulmuesin me parametra zero vitin e ardhshëm.

Në edicionin që lamë pas, Kane ka shënuar 32 gola dhe ka dhuruar pesë asistime 49 paraqitje në të gjitha kompeticionet.

Kanë është golashënuesi më i mirë në historinë e Tottenhamit dhe të kombëtares së Anglisë, por ai ende nuk ka fituar asnjë trofe në futbollin profesionist.

Përveç Real Madridit, interesim për shërbimet e 29-vjeçari ka shprehur edhe skuadra e Manchester United.

Ekipi madrilien gjatë kësaj merkatoje do të jetë në kërkim edhe të disa sulmuesive të tjerë, pasi nga klubi janë larguar edhe Asensio dhe Eden Hazard.