Ish-kryeministri i Kosovës, Avdullah Hoti, ka thënë se Kosova nuk i ka borgj askujt ta kthejnë atë me dekada prapa, raporton Gazeta10.

Hoti ka thënë se është duke i përcjellur me shqetësim zhvillimet e fundit teksa udhëheqjen e ka konsideruar si të papërgjegjshme.

Ai ka thënë se për ta mbuluar këtë paaftësi po hapen tema të tjera që na kthejnë në debatin e para Lufës së Dytë Botërore.

Këtu keni statusin e plotë:

“Po i përcjell me shqetësim zhvillimet e javëve të fundit. Është e papërgjegjshme të udhëhiqet vendi në këtë mënyrë. Nuk iu kemi borxh të na kthejnë me dekada prapa.
Fatkeqësisht, me reduktimet e energjisë po kthehet situata e viteve të para pas luftës çlirimtare 1998-1999. Ndërkaq, për ta mbuluar këtë keqmenaxhim po e hapin temën e shamive në shkolla, duke kthyer debatin e viteve të para pas Luftës së Dytë Botërore”, ka shkruar Hoti në llogarinë e tij në Facebook.

Përndryshe, KEDS ka njoftuar mbrëmë vonë se sot do të fillojnë reduktimet 6:2 në gjithë territorin e Kosovës. / Gazeta10