Leonardo Spinazzola po e luan sezonin e tij të fundit me fanellën e skuadrës së kryeqytetit, Romës.

Mediumet italiane kanë shkruar të hënën se Spinazzola në verë do të largohet nga Roma, pasi drejtuesit e klubit kanë vendosur ta nxjerrin në shitje.

Mësohet se vendimin për largimin e tij e ka dhënë trajneri Jose Mourinho, i cili nuk llogarit në shërbimet e tij përtej këtij sezoni.

30-vjeçari ka kontratë me Romën deri në vitin 2024, ndërsa kartoni i tij vlerësohet rreth 15 milionë euro.

Këtë sezon, Spinazzola ka 1 asistim e 5 paraqitje në 29 ndeshje të luajtura me Romën në të gjitha garat.

Ai është pjesë e Romës prej vitit 2019 kur iu bashkua nga skuadra e Juventusit për shumën e 29 milionë eurove, gjersa gjatë karrierës së tij ka luajtur edhe për skuadra

tjera italiane si Atalanta, Perugia e Empoli.

Spinazzola është edhe fitues i EURO 2020 me Italinë, duke arritur kulmin e formës së tij.