“Një zgjidhje politike dhe diplomatike e krizës ukrainase është ende e mundur, por me kushtin e denazifikimit dhe demilitarizimit të Ukrainës, si dhe kthimit të saj në një status neutral dhe të paangazhuar”, tha Përfaqësuesi i Përhershëm i Rusisë në OKB Vasiliy Nebenzya në seancën e Këshillit të Sigurimit të OKB-së për Ukrainën.

Ai theksoi se është e rëndësishme që të drejtat e qytetarëve ukrainas që flasin rusisht dhe të pakicave kombëtare të sigurohen plotësisht, gjë që do të eliminonte shkaqet rrënjësore të luftës, raporton RIA Novosti.

Kina i kërkon SHBA-ve të mos përdorin konfliktin e Ukrainës për të avancuar strategjinë e saj gjeopolitike, tha Zëvendës Përfaqësuesi i Përhershëm i Kinës në OKB, Geng Shuang.

“Ne dëshirojmë të tërheqim vëmendjen e Shteteve të Bashkuara të Amerikës se largimi i vëmendjes dhe zhvendosja e fajit nuk është mënyra e duhur për të zgjidhur krizën ukrainase”, theksoi ai, sipas Tanjug.

Seanca e sotme e Këshillit të Sigurimit të OKB-së filloi me një minutë heshtje për shkak të vdekjes së presidentit iranian Ebrahim Raisi në një aksident me helikopter.