Përfaqësuesja e Senegalit ka fituar me rezultat 3-1 ndaj Katarit në ndeshjen e dytë të Grupit A në Kupën e Botës “Katar 2022”.

Afrikanët kanë fituar pa shumë vështirësi ndaj nikoqirit të Kampionatit Botëror në ndeshjen e zhvilluar në ‘Al Thumama Stadium’ të Dohas.

Pjesa e parë e ndeshjes u karakterizua me lojë më të mirë të Senegalit, ku përveç rasteve shënuan edhe një gol.

Goli i vetëm në këtë pjesë erdhi në minutën e 41-të me anë të Boulaye Dia, i cili shënoi për epërsinë 1-0.

Në pjesën e dytë, u zhvillua lojë e gjitha e barabartë, por përsëri afrikanët ishin më konkret duke shënuar dy gola, kundrejt një të nikoqirëve.