Analisti Krenar Shala në emisionin debatues të Kanal10, “Politiko”, e ka quajtur pompoze deklaratën e Kryeministrit të Republikës së Kosovës, Albin Kurti, se ka rrezik për një konflikt në mes të Kosovës dhe Serbisë. 

“Deklarata e Kurtit është pompoze, nuk mund të paramendojmë një luftë kur kemi parasysh që ky rajon është i rrethuar nga NATO dhe BE, e Serbia është aq e vogël për të bërë pushtim të ndonjë pjese të territorit. Nuk më duket korrekte as nga ana e liderëve të opozitës që së paku të kritikojnë jo vetëm zotëri Kurtin, por edhe Serbinë pse e kanë zgjedhur nënkryetar një person që ka qenë i përfshirë në masakra në Kosovë, na e kemi nënkryetar të Kuvendit”, ka thënë ai. 

Sipas Shalës, Kryeministri Kurti e ka bërë këtë deklaratë që t’u tregojë faktorëve ndërkombëtarë se Serbia ka intenca të njëjta si Rusia, shkruan Gazeta 10.

“Po e dijmë të gjithë që është pompoze, nuk është e vërtetë”, ka thënë më tej ai.

Emisionin “Politiko”, mund ta ndiqni drejtpërdrejt në kanalin zyrtar në Youtube. /Gazeta10