Xherdan Shaqiri ishte lojtari më i kërkuar nga tifozët zviceranë që dolën në aeroportin e Zurichit për ta përshëndetur ekipin kombëtar helvet pas rikthimit nga Katari. Futbollisti shqiptar u vërshua me shumë autografe, fotografi dhe përqafime.

Në të gjithë këtë rrugëtim Xherdan Shaqiri ishte njëri prej lojtarëve më protagonistë. Ai dhuroi asistin kryesor për fitoren e rëndësishme ndaj Kamerunit me rezultat 1:0 dhe hapi llogarinë e golave kundër Serbisë në ndeshjen “finale” për ta siguruar kualifikimin në fazën e eliminimit direkt.