Do të nisin sot reduktimet e paralajmëruara nga KEDS-i që prej orës 08:00 të mëngjesit.
“Prej të hënës, vendi do të furnizohet vetëm nga prodhimi vendor. Kjo, pasi KEDS dhe KESCO nuk kanë mundësi financiare më që të nominojmë energji jashtë asaj që prodhohet nga gjeneratorët vendorë.
Deri tek kjo situatë ka ardhur për shkak të çmimeve enorme që ekzistojnë në tregjet ndërkombëtare dhe mosmbulimit të kostos së sistemit. Kjo ka sjellë situatë të rëndë financiare edhe për KOSTT-in, të cilën ENTSO nuk e lejon më të bëjë devijime. Kjo bën që secila kërkesë mbi prodhimin vendor të kufizohet në pamundësi të mbulimit nga importi”, ka thënë KEDS-i në një njoftim.
Pas lajërimit të KEDS-it, opozita e ka akuzuar qeverinë Kurti për moskompetencë dhe kanë nisur paralajmërimet për një dimër akoma më të ashpër. /Gazeta10