Bashkimi i Sindikatave të Pavarura të Kosovës (BSPK) ka shpallur ditën e enjte të 25 gushtit grevë të përgjithshme për shkak të mosrealizimit të kërkesave të tyre nga ana e Qeverisë së Kosovës, raporton Gazeta10.

Kryetari i BSPK-së, Atdhe Hykolli, ka thënë se po obligohen që të hyjnë në grevë.

“Më 10 gusht 2022 BSPK-ja mbajti mbledhjen e jashtëzakonshme me qëllim të sigurisë të situatës. BSPK-ja përsëri ndjeki të gjitha rrugët ligjore drejt realizimit të kërkesave por nuk ia doli të ulet me qeverinë dhe të gjejmë një rrugë të duhur. Prandaj sot dua t’u informojë se ligji është që na obligon të hyjmë në grevë, mu ky është shkaku që sot po e shpallim grevën e përgjithshme për shkak të mos realizimit të kërkesave”, ka thënë Hykolli.

Ai ka bërë të ditur se greva nis nga 25 gushti dhe do të zgjasë derisa të përmbushen kërkesat e tyre./Gazeta10