Rusia dhe qeveria siriane kanë rihapur një bazë të vjetër ajrore ushtarake në veri të Sirisë, e pajisur tashmë, ndër të tjera, me një sistem raketash të artikuluar të mbrojtjes ajrore me bateri Pantsir S1 dhe lëshues celularë Buk -M2E.

Kjo mësohet nga mediat siriane të cilat tregojnë pamjet e inaugurimit, të shtunën e kaluar, të bazës Jarrah, në lindje të Aleppos, në prani të përfaqësuesve ushtarakë nga Moska dhe Damasku.

Baza ajrore u mbyll në vitin 2014 pas përleshjeve midis forcave qeveritare dhe kryengritësve në zonën e Alepos.

Pas nëntë vitesh dhe pas punimeve strukturore për të rivendosur pistat e ngritjes dhe uljes, baza është përsëri në funksion.

Sipas analistëve sirianë, baza Jarrah dhe sistemi i mbrojtjes ajrore do të shërbejnë si parandalues ​​kundër sulmeve të mundshme ajrore izraelite në veri të Sirisë. (ANSAMed).