Pas përfundimit të stinorit të rregullt të garave në Superligën e Kosovës në basketboll, të mërkurën starton faza e “Play-Offit” me ndeshjet çerekfinale.

Faza e “Play-Offit” në elitën e basketbollit kosovar starton me ndeshjen Golden Eagle Ylli – Vëllaznimi.

Kampionët në fuqi sonte në shtëpi e pret Vëllaznimin, skuadrën e rikthyer këtë edicion në elitë, Vëllaznimin.

Ylli sezonin e rregullt të garave në Superligë e përfundoi në pozitë e tretë me 20 fitore e tetë humbje, ndërsa Vëllaznimi stinorin e rregullt e përfundoi në pozitën e gjashtë me nëntë fitore e 19 disafata.

Therandasit kanë bilanc 100% të fitoreve në përballjet kundër gjakovarëve që janë zhvilluar këtë edicion.

Skuadra e drejtuar nga Adis Beciragic këtë edicion synon të bëhet kampion për herë të tretë radhazi, ndërsa të besuarit e Josip Plantak do të tentojë befasinë në këtë fazë të garave.

Kjo përballje luhet në palestrën “13 Qershori” në Suharekë.

Fituesi i serisë çerekfinale, në gjysmëfinale do të përballet me Pejën.