Real Madridi e ka publikuar formacionin zyrtar për ndeshjen ndaj Barcelonës, me më shumë se një orë nga fillimi i “El Clasicos”.

Trajneri i “Los Blancos”, Jose Mourinho ka vendosur për 11-shen zyrtare që do të zbarkojë nga ora 21:00 në “Spotify Camp Nou”, për takimin e xhiros së dhjetë të La Ligës ndaj Barcelonës.

Mourinho ka vendosur për një rreshtim prej 4-2-3-1 për lojtarët e tij në fushë, me disa ndryshime të rëndësishme.

Portieri ukrainas, Andriy Lunin e nis për herë të parë një ndeshje nga fillimi këtë edicion, duke luajtur nga minuta e parë në vend të Thibaut Courtois që ka mbetur në Madrid shkaku i gripit.

Federico Valverde do ta nisë nga fillimi në krahun e djathtë të mbrojtjes.

Bernardo Silva dhe Aurelien Tchouameni do të jenë dyshja e mesfushës.

Yan Diomande do të luajë në vend të Viniciusit, derisa Arda Guler do të luajë në anën e djathtë të sulmit, të cili i prin Kylian Mbappe.

Ndërkohë, homologu i Jose Mourinhos, Hansi Flick po ashtu ka vendosur për një rreshtim të njëjtë në fushë.

Edhe Barcelona është futur me 11-shen më të fortë.

Joan Garcia është në portë, derisa Xavi Espart e Joao Cancelo janë nga krahët e mbrojtjes.

Mesfusha përbëhet nga Rodri e Pedri, ndërsa në sulm, pos Lamine Yamalit, janë edhe Fermin Lopez, Anthony Gordon e Raphinha.

FORMACIONET E PLOTA:

BARCELONA: Garcia; Espart, Cubarsi, Martin, Cancelo; Rodri, Pedri; Yamal, Lopez, Gordon; Raphinha

REAL MADRID: Lunin; Valverde, Konate, Huijsen, Cucurella; Silva, Tchouameni; Guler, Bellingham, Diomande; Mbappe.