Sot bëhen 7 vjen nga miratimi i Gjykatës Speciale ku deputetët e Kuvendit të Kosovës më 3 gusht 2015 votuan pro ndryshimit të amendamentit kushtetues që i hapi rrugë themelimit të Gjykatës Speciale, raporton Gazeta10.

Në atë votim kanë qenë 82 vota pro, 5 kundër dhe një abstenim përmes së cilave u hap rruga që Qeveria t’i dërgojë edhe dy projektligje të tjera sa i takon Speciales.

Në atë kohë, opozita ishte kundër themelimit të Gjykatës Speciale duke e quajtur të padrejtë, selektive dhe e cila do e cënojë sovranitetin e vendit.

Në anën tjetër, Qeveria dhe pozita po ashtu e kanë quajtur të padrejtë këtë votim, por të domosdoshme për t’i hequr dyshimet për krime të kryera nga Ushtria Çlirimtare e Kosovës.

Zyra e Prokurorit të Specializuar (ZPS) për krime lufte në Kosovë vitin e kaluar ka ngritur aktakuza ndaj ish-presidentit Hashim Thaçi, ish-kryetarit të Kuvendit, Kadri Veseli, ish-kryetarit të Kuvendit dhe ish-zëdhënësit të Ushtrisë Çlirimtare të Kosovës, Jakup Krasniqi.

Po ashtu edhe ndaj ish-eprorit të Ushtrisë Çlirimtare të Kosovës, Salih Mustafa, ish-krerëve të Organizatës së Veteranëve të Luftës të Ushtrisë Çlirimtare të Kosovës Hysni Gucati dhe Nasim Haradinaj, si dhe ndaj ish-pjesëtarit të UÇK-së, Pjetër Shala. / Gazeta10