Fotografi kosovar, Ilaz Bylykbashi ka publikuar disa fotografi të 30 dhjetorit 1991, kur filloi sulmi në Prekaz të Ultë. 

Bylykbashi në profilin e tij në Facebook, ka treguar se në atë kohë Gazeta Bujku, përmes reporterëve në terren, raportoi për sulmin që filloi para agimit e mbaroi në fund të ditës në Prekaz. 

“U bastisën 14 familje, u arrestuan 50 veta; 27 veta u mbajtën tërë ditën të mbështetur për muri; 3 të arrestuar; Më së keqi e pësuan Shaban Jashari, Gani Jashari, Naser Jashari, dhe djemtë e mitur të Adem Jasharit: Lulëzimi e Fitim; Frikë, shqetësim, dhe vetë qëndresë popullore; plaçkitje 20.000 markave gjermane… Atë ditë në Prekaz ishte dimër me borë e acar! Pjesë e gjithë kësaj traume ishte edhe familja Xhafer Jasharit!”, ka shkruar ia në mbishkrimin e fotografive./Gazeta10