Ministri i Punëve të Brendshme, Xhelal Sveçla, përmes platformës X, ka publikuar disa fotografi të minave të gjetura në veri, pas sulmit terrorist të 24 shtatorit, duke shkruar se armatimi i konfiskuar tregon nivelin e përgatitjeve për përshkallëzim nga Serbia.

Sveçla ka thënë se ato janë një tjetër provë që Kosova ka të bëjë me grupe terroriste të mirëorganizuara.

“Armatimi i konfiskuar në veri të Kosovës jep sinjale të qarta për nivelin e përgatitjeve për sulme dhe përshkallëzim nga Serbia. Minat dhe pajisjet e sofistikuara më poshtë janë një tjetër provë. Nevojitet ndonjë provë tjetër që kemi të bëjmë me grupe terroriste të mirëorganizuara?” ka shkruar ai.

The weaponry confiscated in the north of Kosova gives clear signals of the level of preparations for attacks & escalation from Serbia. The sophisticated mines & devices below are yet another proof. Any other evidence needed that we're dealing with well-organized terrorist groups? pic.twitter.com/D1M23P46QQ

— Xhelal Sveçla (@XSvecla) October 16, 2023