Ministri i Punëve të Brendshme, Xhelal Sveçla, deklaroi se institucionet e Serbisë janë të interesuara ta destabilizojnë sërish komunitetin serb në Kosovë.

Ai tha se Serbia po përpiqet t’i mbrojë “kriminelët të cilët kryejnë akte edhe terroriste”, derisa përmendi Milovan Bozoviqin, që u arrestua të shtunën në veri.

Por Sveçla thotë se çdo kriminel apo grup i organizuar kriminal, pavarësisht përkatësisë etnike dhe çdo dallimi tjetër do të përballet me forcën e ligjit, pa asnjë kompromis.