
Shefi i Grupit Parlamentar të Aleancës, Besnik Tahiri, ka kritikuar ndërprerjet e gjata të energjisë elektrike në vend, duke thënë se ato po ua vështirësojnë jetën qytetarëve.
Në seancën e Kuvendit, Tahiri tha se ndërprerjet po ndodhin kryesisht në zonat rurale, por se mbrëmë janë raportuar edhe në Prishtinë dhe qytete të tjera.
Ai kritikoi edhe çmimin e lartë të energjisë elektrike, duke theksuar se familjet me gjendje të rëndë ekonomike po detyrohen të hyjnë në borxhe për të paguar faturat.