Ish-kryetari i Vushtrrisë, Xhafer Tahiri, ka reaguar ndaj diskutimeve për shkarkimin e kryetarit të LDK-së, Lumir Abdixhiku, duke vlerësuar se një veprim i tillë do të ishte i dëmshëm për partinë.

Sipas Tahirit, në kohën kur Abdixhiku mori drejtimin e LDK-së, partia ndodhej në një nga nivelet më të ulëta historike, me vetëm 12 për qind mbështetje.

“Shkarkimi i Abdixhikut nuk i bon mirë LDK-së, në kohën kur Lumir Abdixhiku ka ardhur në LDK ajo i ka pasur vetëm 12 % në numrat e vet historik më të ulët, dhe gjithmonë Abdixhiku ka qenë i pavarur në kuptimin e vendimmarrjes dhe autoritetit”, ka deklaruar Tahiri./Gazeta10